Манай улсын ууган үйлдвэрүүдийн нэг Сүү ХК 1958 онд үүсгэн байгуулагдаж байсан бөгөөд тухайн үедээ өдөрт 30 тонн сүү боловсруулах хүчин чадалтай байжээ. Тэгвэл өдгөө 130-200 тонн сүү, сүүн бүтээгдэхүүн боловсруулах хүчин чадалтай, 70 гаруй нэр төрлийн бүтээгдэхүүнийг зах зээлд нийлүүлж байна.

Хагас жилээс онцлох нь

1. Компани 2023 онд нийт ₮147.7 тэрбумын борлуулалт гүйцэтгэж байсан бол энэ оны хагас жилээр гэхэд тус үзүүлэлт ₮95.9-д хүрсэн байна. Түүнчлэн борлуулсан бүтээгдэхүүний өртөг 1 хувиар буурчээ. Оны эхний хагаст ₮12 тэрбумын цэвэр ашигтай ажилласан нь 2023 оны үетэй буюу нэг жилийн гүйцэтгэлтэй дөхсөн ашигтай гарчээ.

Компани өмнөх оны мөн үеэс 30.4 хувиар борлуулалтаа өсгөөд байна.

2. Түүнчлэн компанийн нийт хөрөнгийн өгөөж (ROA) болон өөрийн хөрөнгийн өгөөж (ROE) зах зээлийн дунджаас өндөр байгаа юм.

Компани үйл ажиллагаагаа өргөжүүлэхээр төлөвлөж буй бөгөөд 2024 оны 5 сард "SUU 2.0" төслийн хүрээнд 15 тэрбум төгрөгийн хэлцэл байгуулсан байна. Түүнчлэн зах зээлд Hifit тараг болон Hi-high сүүн бүтээгдэхүүнийг шинээр хөгжүүлж, нийлүүлэн ажиллаж байна.