Сэнтрал экспрэсс Си Ви Эс ХК нь 2023 оны эцэст бүтцийн өөрчлөлт хийгдэж доороо таван охин компаньтай болсноор стратетэгийн томоохон дэвшилттэй 2024 оныг эхлүүлээд байна.
Өнгөрсөн жилүүдэд “Прэмиум Нэксус ХК” нь CU конвиниенс дэлгүүрийн дэд бүтцийн тэлэлтэд голчлон анхаарч хоолны үйлдвэрлэл, болон өөрсдийн гэсэн шар айраг коффены үйлдвэр тээвэр логистикийн нэгдсэн систем мөн зах зээлээ хурдан эзлэх, бизнесийн менежмэнтдээ түлхүү анхаарч нилээдгүй их хөрөнгө оруулалт хийж ирсэн гэдгээ тайлагнав.
Өмнөх онд амлаж байсан дэд бүтэц стратеги зорилтоо амжилттай биелүүлсэч ч хөрөнгө оруулагч хувьцаа эзэмшигчдийн гол анхаарал ашигт ажиллагаа байв.
Санхүүгийн голлох үзүүлэлт
2023 онд 2022 оноос борлуулалтаа 49% өсгөж чадсан ч борлуулалтын өртөг нь дагаад 48% р өссөн. Үүнийг хурлын үеээр тодруулахдаа энэ нь юун түрүүнд борлуулсан барааны өртөг биш бөгөөд тухайн барааг эцсийн хэрэглэгчийн гарт очих хүртэл процессийн бүх зардалууд шингэсэн дүн гэдгийг тайлбарлав. / Үүнд дэлгүүрийн түрээс ажиллах хүний нөөцийн болон урсгал зардлууд болон ББӨ багтана. / Мөн нийт тайлант жилийн алдагдалд нийт 89 салбар дэлгүүр мөн үйлдвэрүүдийн хөрөнгө оруулалт зэрэг дэд бүтцийн багагуй хөрөнгө оруулалт хийгдсэн нь 2023 оны тайлант жилийн алдагдалд нөлөө үзүүлсэн гэдгийн хөрөнгө оруулагч хувьцаа эзэмшигчиддээ тайлбарлалаа.
Нөгөө талаас сайн мэдээ гэвэл компанийн өртөг буурсаар байна. Тухайлбал борлуулалтын орлогод эзлэх ББӨ-н хэмжээ жил бүр буурч байгаа бөгөөд үүний хэрээр нийт ашгийн маржин, цэвэр ашгийн маржин нэмэгдсээр 2023 оны жилийн эцсийн байдлаар -1% болон -8.38%-д хүрчээ.
Үйл ажиллагааны голлох үзүүлэл
Үйлчлүүлэгчид давхардсан тоогоор өмнөх жилээс 25.3% өсөлт үзүүлсэн нь CU конвиниенс дэлгүүрийн дэд бүтэц тэлхийн хэрээр борлуулалт болон үйлчлүүлэгчдийн тоо ихсэж байгааг харуулж байна. Олон салбар нээх тусам үйлчлүүлэгчид салбар дэлгүүрийн борлуулалт сайжирч зах зээлийн боломж байгааг харуулж байна.
Компанийн удирдлагын зүгээс 2024 онд цэвэр ашигтай ажиллахыг гол зорилтоо болгон ажиллахаа мэдэгдлээ.
Онцлох мэдээ
- Франчайз бизнесийн үйл ажиллагаа Капитрон банк, Зээлийн батлан даалтын сантай хамтран жижиг дунд бизнес эмэгтэй бизнес эрхлэгчдийг дэмжих зорилгоор гуравдагч байгууллагуудтай хамтарсан зээлийн бүтээгдэхүүнийг зах зээлд амжилттай нэвтрүүлсэн.
- Технологийн цогц шийдэл болон шинэчлэл хэрэглэгчийг лояалти оноогоор шагнах, худалдан авалтын давтамжид суурилсан урамшуулал олгох, олон төрлийн дижитал үйлчилгээг санал болгох замаар урт хугацаанд хэрэглэгчдэд өгөх үнэ цэнийг нэмэгдүүлж CU аппликэйшнээр дамжуулан үнэнч хэрэглэгчдийг нэмэгдүүлэх хөтөлбөрийг хэрэгжүүлж байна.
