2024 оны 4 дүгээр сарын 23 ны өдөр ХААН Банк ХК-ийн хувьцаа эзэмшигчдийн ээлжит хурал 87.76%-ийн ирцтэйгээр болж өнгөрлөө.
2023 оны санхүүгийн үзүүлэлтүүд
2023 оны жилийн эцсийн байдлаар компанийн хүүгийн орлого 2 их наядад хүрч өмнөх оны мөн үетэй харьцуулахад 46.9%-р өсөж, цэвэр ашгийн хэмжээ 24.5%-р нэмэгдэж ₮558.7 тэрбумын ашигтай ажилласан байна. Харин 2024 оны 1-р улирлын хувьд хүүгийн орлого 34%-р хүрч цэвэр ашиг 21%-р тус тус өсжээ.
2023 оны онцлох НОГООН БОНД
Өнгөрөгч онд олон улсын зах зээл дээр Монгол улсын анхны ногоон бондыг $60 саяын (₮205.3 тэрбум) дүнг дотоодын зах зээл дээр ₮17 тэрбумын дүнтэй анхны ногоон бондыг тус тус амжилттай гаргасан байна.
Олон улсын стандартыг хангасан банк
Лондон төвтэй IDCXS:2022:02 олон улсын цахим банкны стандартыг нэвтрүүлсэн монгол улсын анхны банк болсон бөгөөд үйл ажиллагаандаа эрсдэл мэдээллийн аюулгүй байдлын стандартуудыг нэвтрүүлжээ.
Ногдол ашгийг дансанд байршууллаа
2023 оны цэвэр ашгаас 48.5% буюу нэгж хувьцаанд ₮141.73 тараах шийдвэрийг компанийн ТУЗ гаргасан бөгөөд 4 сарын 23-ны өдрөөс эхлэн үнэт цаас төвлөрсөн хадгаламжийн төвийн харилцагчдын данс руу байршуулж эхэллээ.
Татан төвлөрүүлсэн хөрөнгийн зарцуулалт
Хаан банк нь өнгөрөгч онд татан төвлөрүүлсэн хөрөнгөөр 4 төрөлт зарцуулалт хийхээр төлөвлөсөн бөгөөд доорх графикт 2024/3/31-ний байдлаар зарцуулалтын талаар харуулав. Мөн татан төвлөрүүлсэн хөрөнгийн үлдэгдэл ₮6.6 тэрбум байгаа ажээ.
| № | Зарцуулалт | Зарцуулах хувь | Мөнгөн дүн /тэрбум/ | Зарцуулалтын гүйцэтгэл |
|---|---|---|---|---|
| 1 | Мэдээллийн технологийн хөрөнгө оруулалт | 16% | 28.3 | 89% |
| 2 | Цахим бүтээгдэхүүний хөгжүүлэлт, сайжруулалтын хөрөнгө оруулалт | 19% | 29.2 | 89% |
| 3 | Ногоон төсөл, хөтөлбөрүүдийн санхүүжилтийн хөрөнгө оруулалт | 34% | 62.4 | 82% |
| 4 | Урт хугацаат зээл /Орон сууц, хөрөнгө оруулалтын санхүүжилт | 31% | 56.9 | 100% |
Хувьцааны мэдээлэл
2023 онд ТОП-20 индексийн багцыг шинэчлэхэд “Хаан банк ХК” шинээр нэмэгдэж зах зээлийн үнэлгээгээр тэргүүлэх болсон билээ.
Хаан банк ХК болон Хас Банк ХК-уудын хувьцааны ханш олон нийтэд санал болгосон анхны ханшнаас өсөлттэй байгаа бол бусад банкнуудын хувьд ханшийн уналттай байгаа юм.
Хаан банк ХК-ийн хоёрдогч арилжаа эхэлсэн өдрөөс 2024/4/24-ний өдрийг хүртэлх ханшийн өөрчлөлт дараах байдалтай байна.
Хаан банк ХК-ийн санхүүгийн голлох харьцаа үзүүлэлтүүдийн хувьд:
Нийт хөрөнгийн өгөөж 3%-тай гарсан бол эздийн өмчийн өгөөж 27%-тай гарсан байна. Үнэ дансны үнийн харьцаа 2024/4/24-ны байдлаар 0.96 байгаа нь дансны үнээсээ хямдаар үнэлэгдэж байгааг харуулж байна.
| № | Харьцаа үзүүлэлт | 2024.IV |
|---|---|---|
| 1 | ROA | 3% |
| 2 | ROE | 27% |
| 3 | P/B | 0.96 |
| 4 | P/E | 3.74 |